هەرزان
ئەم بابەتە لەسەر تەکنیکەکانی زانین بە دەعمی سەیارەیە و لە لایەن تیمی ناوەڕۆکی هەرزانەوە ئامادە کراوە.
فرۆشیارەکان لە هەرزاندا زۆر جار و عەیب و کێشەکانی سەیارەکەیان ئەنووسن، بەڵام بۆ دڵنیابوونەوەی خۆشمان باشتر وایە هەندێ شت لەسەر دەعمی سەیارە بزانین.
یەکێک لە بەرچاوترین هێماکانی دەعمی سەیارە بۆیاخی سەیارەیە. سەرەتا ئەم بابەتە لەسەر بڵاگی هەرزان بخوێننەوە: تەکنیکەکانی دەرخستنی بۆیاخی سەیارە؟
بەڵام سەرەڕای بۆیاخ هەندێ تێبینیی دیکەش هەیە کەوا ئەبێ بەوردی سەرنجیان بدرێت بۆ ئەوەی بزانین سەیارەیەک پێشتر دەعمی کردووە یان نا.
سەرنجی ئەم خاڵانەی خوارەوە بدەن:
- هاوئاستنەبوونی دەرگا و لاشەی سەیارە:
لە زۆربەی سەیارە نۆرماڵ و ستەنداردەکاندا، دەرگا و جەستەی سەیارە لە ئاستێکدان. کەوایە ئەگەر ناهاوئاستیتان لەنێوان دەرگا و جەستەدا بەدی کرد ئەوا ئەوە لە هێماکانی دەعمی سەیارەیە.
- سەرنجی سپێرەکان و جێگای بورغوو و پێکەوەبەستنەوەکانی بدەن
دوای لێدرانی سەیارە، سپێر بەزەحمەت ئەڕواتەوە جێگای خۆی و ئەگەر لێدانەکە زۆر قورس بێت، بەڕوونی دەر ئەکەوێ بەزۆر خراوەتەوە جێ.
- سەرنجی بۆنیتەکە بدەن
دەرگای بۆنیتەکە هەڵبەنەوە، سەرنجی شوێنی پێکەوەبەستنی بۆغرووە سەرەکییەکانی بدەن و هەروەها سەرنجی هێڵە سەرەکییەکانیش بدەن. ئەگەر لارولەوێریتان بەدی کرد یان هێمایەکی نائاساییتان چاو لێ کرد دڵنیا بن ئەو سەیارەیە پێشتر دەعمی کردووە. هەر ئەم پرۆسەیەش بۆ سندووقی دواوەوەش دووبارە بکەنەوە.
- سەرنجی ناو سندووقی دواوەوە بدەن
سەیری ناو سندووقە بکەن. گرنج گرنجی یان هەڵتۆقین و ناڕێکییەک بەدی ئەکەن؟ ئایا بیچم و فۆرمی گۆڕاوە؟ ئەگەر وەڵامەکە بەڵێیە لە هۆکارەکانی بزانن. ئەم هێمایانە باش نین.
بۆ کڕین و فرۆشتنی هەر جۆرە سەیارەیەک سەردانی سایتی هەرزان بکەن.
دەتوانن ئەم بابەتەش لە بڵاگی هەرزان بخوێننەوە: چۆن بزانین سەیارەیەک وەرگەڕاوە؟
