هەرزان
ئەم بابەتە لەسەر شۆفێریکردن لە کاتی بەفرباریندایە و لە لایەن تیمی ناوەڕۆکی بڵاگی هەرزانەوە نووسراوە.
شۆفێریکردن لە کاتێکدا کەوا کەش ئارام و ئاسمان ساماڵە زۆر جیاوازە لە کەشە بەفراوییەکان. لە کاتی بەفرباریندا لێخوڕینی سەیارە زەحمەتترە و بەپێی دەیتاکان ڕێژەی پێکدادانەکان لە ناو و دەرەوەی شاردا لە کاتی بەفرباریندا بە شێوەیەکی بەرچاو بەرزترە.
- پێش لە دەسپێکردنی سەفەر، چەک لیستێکی زستانە ئامادە بکەن
کەس پێی خۆش نییە لەناو بەفر و سەرمادە بمێنێتەوە یان لەوێ سەیارەکەی تووشی کێشە ببێ. لە کاتی بەفر و سەرماوسۆڵەدا هەندێ لە ئەشیاکانی سەیارە پێویستیان بە چاودێرییەکی وردتر هەیە. ئەبێ لە بێکێشەبوونی ئەمانە دڵنیا ببنەوە: پایپەکانی سووڕانەوەی ئاو، ڵایتەکانی پێشەوە، سیستەمی گەرمکەرەوەی سەیارە، جامسڕەکانی پێشەوە و کواڵێتیی تراوی دژەبەستەڵەک. دیارە ئەبێ زنجیری تایەشتان لەگەڵ بێت.
ئەگەر پێتان وایە چوونکە سەیارەکەتان دەبڵ ئەکسڵە ئەوا ئیتر لە کاتی بەفرباریندا پێویستتان بە زنجیر نییە، لە هەڵەیەکی گەورەدان. لە لێژایی و سەرەو خوارییە بەفراوی و شاخاوییەکاندا سەیارەی دەبڵ ئەکسڵیش پێویستی بە زنجیرە.
- تایەی سەهۆڵشکێن و زنجیری تایە بکڕن
- بە گێڕی 2 لە سەیارەکە بخوڕن
ئەگەر گێڕی سەیارەکەت عادییە لە کاتی بەفردا بە گێڕی 2 شۆفێری بکە و ئەگەر خاوەنی سەیارەیەکی گێڕ ئۆتۆماتیکی، ئێستاکە زۆربەی سەیارە گێڕ ئۆتۆماتیکەکان دۆخێکیان بە ناوی دۆخی “بەفر” بۆ گێڕبۆکسەکەیان هەیە و شۆفێری لەناو بەفردا زۆر ئاسان ئەکاتەوە.
- برەیک قەدەغەیە
لە کاتی بەفرباریندا تیژڕۆیی مەکەن با ناچار نەبن قاچ بە برەیکدا بنێن. با مەوداتان لەگەڵ سەیارەی پێشەوەتان لە کاتی بەفردا 5 مەتر بێت و ئەگەر تووشی خزان و خلیسکان بوون ئەم تێبینییانە ڕەچاو بکەن:
- لەوپەڕی ئارامبووندا، سووکانی سەیارەکە بەرەو لایەک بسووڕێنن کەوا دوای سەیارەکە خەریکە بەو لایەدا ئەخلیسکێت. درێژە بەم کارە بدەن تاکوو سەیارەکەتان ئەگەڕێتەوە سەر دۆخی نۆرماڵی خۆی.
- قەد سوکانەکە بە شێوەیەکی کوتوپڕ مەسووڕێنن
- قەد سەیارەکە مەخەنە سەر گێڕی بۆش لە کاتی بەفردا
- لابردنی قاچ لەسەر پایدەری ڕۆیشتن ئەبێتە هۆی خلیسکانی سەیارەکە، کەوایە قاچتان نۆرماڵ لەسەر پایدەرەکە ڕاگرن
- بای تایەکان کۆنترۆڵ بکەن
- ئەو سەیارەیانەی مەکینەکەیان لە پێشەوەیە و دیفرانسیێڵیان لە پاشەوە، لێزانینی زیاتری ئەوێ
ئەگەر سەیارەکەت لەم چەشنەیە، لە کاتی خلیسکان لەناو بەفردا سوکانەکە بەرەو ئەو لایە بسووڕێنن کەوا سەیارەکە خەریکە ئەخلیسکێت. قەد کوتوپڕ برەیک مەکەن.
- کۆنترۆڵکردنی ئەو سەیارەیانەی کەوا مەکینە و دیفرانسیێلیان لە پێشەوەیە ئاسانترە
ئەو سەیارەیانەی کەوا مەکینە و دیفرانسیێڵیان لە پێشەوەیە ئاسانترن بۆ کاتی بەفربارین. بەڵام لە کاتی خلیسکاندا ڕێک هاوشێوەی سەیارەکانی تر بجووڵنەوە. واتە ئەبێ کاتێک سەیارەکەتان ئەخلیسکێت سوکانەکە بەرەو ئەو لایە بسووڕێنن کەوا سەیارەکە خەریکە ئەخلیسکێت.
- لە یەکەم کاژێرەکانی بەفرباریندا، جادە لە مەترسیدارترین دۆخی خۆیدایە
لەوانەیە سەیر بێت بەڵام جادە لە یەکەم کاژێرەکانی بەفرباریندا هێندەی جادەیەکی پڕ لە بەفر مەترسیدارە. تێکەڵبوونی دەنکە بەفر و تەپوتۆزی سەر جادەکە، جادەکە زۆر خز ئەکا و بە چاویش نابینرێت. لەم حاڵەتەشدا با خێراییتان کەم بێت، مەوداتان لەگەڵ سەیارەی پێشەوە زۆر بێت و لەناکاو قاچ لەسەر برەیک مەنێن.
لە یەکەم کاژێرەکانی بەفر و باراندا هاتنەخوارەوە لە گێڕی سەرەوە بۆ گێڕی خوارەوە (بۆ نموونە لە گێڕی سێوە بۆ دوو) ئەتوانێ کارەساتی لێ بکەوێتەوە.
بۆ کڕین و فرۆشتنی هەموو جۆرە سەیارەیەک سەردانی سایتی هەرزان بکەن.
