دە(10) تایبەتمەنیی مۆبایلێکی بێکێشە لە ڕووی تەکنیکییەوە

ئەم بابەتە لەسەر تایبەتمەندییەکانی مۆبایلێکی بێکێشەیە و لە لایەن تیمی ناوەڕۆکی بڵاگی هەرزانەوە نووسراوە.

لە دەستەی “فرۆشتنی مۆبایل و تابلیت” لە سایتی هەرزاندا ئەتوانن کۆمەڵێک مۆبایلی دانراو بۆ فرۆشتن ببینن. بەڵام ڕەنگە بتانەوێ وەک پسپۆڕێک بتوانن هەموو بەشەکانی مۆبایلێک بپشکنن و بتوانن مۆبایلێکی بێعەیب بکڕن. ئەم دە تایبەتمەندییە دەری ئەخات مۆبایلێک کێشەی نییە؛

• پێوەندییەکی پێوە بکەن

مۆبایل ئەبێ شەبەکەیەکی باشی هەبێت. سیمکارتەکەتانی تێ بخەن و پیوەندییەکی پێوە بکەن. لە بێکێشەبوونی سپیکەر و دەنگی مایکرۆفۆن لە کاتی پێوەندییەکەدا دڵنیا ببنەوە. دەنگەکە نابێ خشەخشی هەبێ.

• پاترییەکەی بێعەیب بێت

سەرەکیترین کێشەکانی پاتری ئەمانەن: زوو بەتاڵبوونەوەی شەحنەکە، درەنگ پڕبوونی شەحنەکە، تێنەچوونی شەحن، کوژانەوە وێڕای هەبوونی شەحن و گەرمکردنی لە ڕادەبەدەری پاتری.

پاتری ئەبێ لە 2 بۆ 3 کاژێردا بەتەواوی پڕ ببێتەوە و بۆ ماوەیەکی باش هەڵبکات. 

• مۆبایلەکە ڤایرۆسی نەبێت

ئەگەر پاترییەکەتان خێرا بەتاڵ ئەبێتەوە، هەندێ ئەپ بەبێ ئاگاداریی ئێوە لەسەر مۆبایلەکەتانەوەیە، کۆنێکشنەکانی ئینتەرنێت ئۆتۆماتیک ئۆن و ئۆف ئەبێت، لە ئینتەرنێتەکەتان پەنامەکی کەم ئەبێتەوە ئەبێ گومان بکەن لە بوونی هەندێ ماڵوەیر بەسەر مۆبایلەکەتانەوە. نیگەران مەبن. هەموو دیتاکانی بسڕنەوە و ئەنتی ڤایرۆسێکی لەسەر دابەزێنن.

• تەچ و ئێڵ‌سی‌دییەکەی بێکێشە بێت

تەچ و شاشە لە مۆبایلە نوێکاندا تۆکمەیە و لە مۆبایلە کۆنترەکاندا جیایە. شاشەکە نابێ زەرد بێت. زەردبوونی شاشە هێمای زۆر ئیشکردنی مۆبایلە.

• نەکەوتبێتە ناو ئاوەوە

مۆبایلێک کەوا کەوتبێتە ناو ئاوەوە زۆربەی کاتەکان پێویستی بە گۆڕینی تۆچ و خەریتە هەیە. گۆڕینی خەریتە هاونرخە لەگەڵ کڕینی مۆبایلێکی نوێدا. زۆربەی ئەو مۆبایلانەی کەوتبێتنە ناو ئاوەوە هەر داناگیرسێن. بەڵام ئەگەر داشگیرسێن بزانن شاشەکەی لە هەندێ بەشیدا ڕووناکترە.

• کامێراکانی بێعەیب بن

هەندێ وێنە بە هەموو کامێراکانی بگرن. ئاگادار بن پیکسڵی سووتاوی تێدا نەبێت. کۆمەڵێک وێنەش بە فلاشەوە بگرن و لە سەلامەتبوونی فلاشەکەش دڵنیا ببنەوە. بوونی شوخت لەسەر لێنزەکان ئەبێتە هۆی لێڵبوونی وێنەکان.

• مۆبایلەکە خاو نەبێت

ڤایرۆس، پڕبوونی بیرگەی مۆبایل، کۆنبوونی مۆبایل، زۆربوونی بەرنامە ڕانکراوەکان ئەبنە هۆی خاوبوونەوەی مۆبایلێک. پێش لە هەر شتێک چاو لە بیرگەی مۆبایلەکە بکەن. تاکوو مۆبایلەکەش ئەپدەیتتر بێت، خێراترە.

• بەشە لاوەکییەکانی مۆبایل بەباشی ئیش بکەن

کۆنێکت ببن بە وای‌فایەوە. بلووتووس تاقی بکەنەوە. مایکرۆ ئەس‌دی تاقی بکەنەوە. ڕۆتەیشنی مۆبایلەکەش تاقی بکەنەوە. ئەم بەشە لە مۆبایل هاوپێوەندە بە بەشی ژیرۆسکۆپەوە و ئەبێ تاقی بکرێتەوە.

• دوگمەکان بێکێشە بن

دوگمەکانی مۆبایل بەراورد بە جاران زۆر کەم بوونەتەوە. بەس دوگمەی ئۆن و ئۆف، کەم و زۆرکردنی دەنگ و لە هەندێ مۆبایلی ئایفۆندا دوگمەی سایلێنت کردن هەر ماون. ئەمانە تێست بکەن.

• پێوەندییە کەیبلییەکان تێست بکەن

کەیبلەکان زوو خراپ ئەبن. بۆ تاقیکاری بە کەیبل مۆبایلەکەتان کۆنێکت بکەن بە کۆمپیتەرێکەوە و دڵنیا ببنەوە لەوەی کە مۆبایلەکە لە لایەن کۆمپیتەرەکەوە ئەناسرێت.

بۆ کڕین و فرۆشتنی هەر جۆرە مۆبایلێک سەردانی سایتی هەرزان بکەن